«Қарағанды аруы-2015» атанған бойжеткенге қатысты қылмыстық іс қозғалды

Жол полициясы қызметкерлеріне тіл тигізгені үшін «Қарағанды аруы-2015» байқауының жеңімпазы Рената Нұрғазинаға қатысты қылмыстық іс қозғалды, деп хабарлайды Baq.kz ақпарат агенттігі Tengrinews.kz сілтеме жасап.

«Рената Нұрғазинаға қатысты сотқа дейінгі тергеу жүріп жатыр. Қылмыстық іс қозғалды», - деп хабарлады Қарағанды облыстық ІІД өкілдері.

Бірақ қыздың өзі осы жағдайға қатысты пікір білдіруден бас тартты.
Еске сала кетейік, осыған дейін әлеуметтік желілерде жол полиция қызметкерлерінің оны 8 наурызда тоқтатқаны туралы видео пайда болған еді. Видеода Ренатаның полицейлерге қатысты айтқан балағат сөздері естіледі.
Айта кетейік, кейінірек бұл видео Instagram желісінен өшірілген болатын.