Ет сүрлеудің түрлі әдісі

Ата-бабаларымыз қашанда ертеден еттің ұзақ сақталуын білсе керек. Оның үстіне, жас еттен гөрі сүр еттің пайдасы айтарлықтай екені исі қазаққа анық. Қазақстаннның әр облысында етті өзінше сүрлейді, осы тұрғыда оны сақтап, сүрдеудің түрлі тәсілдерімен таныстыруды жөн көріп отырмыз.

• Тұздап сүрлеу

Соғымның сұрпы еті ғана емес, қазысы мен қартасы, жалы мен жаясы, омыртқасы мен төс еті де сүрленеді. Етті күн көзіне тигізбей, салқын жерде кептіріп алу керек.

• Қарын-сүрме

Қарын-сүрме тәсілі етті қарынға тығып сақтау арқылы жүзеге асады. Мұнда сиырдың немесе қойдың етін тұздап, қарынға салғанда өзіне сіңеді.

• Ыстап сүрлеу

Ыстап сүрлегенде отты бықсытады. Сосын еттерді шошала ішінде сарғыш түтінде ыстайды. Етті шошалаға іліп, түтінде ыстау қажет етіледі, бірақ, ыстаудың өзіндік мөлшері болғаны жөн.

• Малды үйітіп сақтау

Терісін сыпырмай, үйітіп алып сақтайды. Мұндай ет өте дәмді болады.

• Ұн ішінде сүрлеу

Қазы-қарта, жал-жая сынды бағалы еттерді осылай сақтаған. Ұнның ішіне ет тереңірек салынып қойылады.

• Қайнатып алып кептіру

Жас етке тұз сіңген соң оны қазанда бір қайнатып алып, кептіреді. Етті жұқалап қақтайды, кешкі салқында іліп қоя керек.