Грант иелері анықталды
Талапкер үшін ең қуанышты сәт – өзі қалаған университетке грант негізінде оқуға түскені жайлы қуанышты хабармен қауышуы дер едік. Биылғы ұлттық бірыңғай тестілеуге аудандағы 42 мектептен 655 мектеп бітіруші қатысып, бақтарын сынаған-ды. Енді олардың арасында студент атанғандары қуанып, жоғарғы оқу орындарына құжат тапсыруда. Біз бірнеше мектепке арнайы хабарласып, грант иелері жайлы біліп, құттықтадық.
Білім және ғылым министрлігі 2020-2021 оқу жылына мемлекеттік 69 256 мың грант бөлген болса, оның 53 785-і бакалавр, яғни мектеп бітірушілеріне арналған. Бұл грантқа әрбір тестілеуге қатысып, шектік 50 балл жинаған талапкердің үміті бар. Сондай талапкердің бірі – Гүлжайна Талғатқызы. Ол №163 мектепті жақсы оқып, өз білімімен грантқа ілінгеннің бірі. Карантин оның тестке дайындалуына еш кедергісін келтірмеген. Қайта бос уақытты тиімді пайдаланып, дайындығын күшейте түскен.
– Мен Алматы қаласындағы Абай атындағы Қазақ Ұлттық педагогикалық университетінің грантына ие болдым. Биология және химия пәнін таңдаған болатынмын. Білім бәйгесіне 91 балмен қатыстым. Алла бұйыртса, мұғалім мамандығын игеріп, туған жеріме қызмет етемін, – деді студент.
Айта кететіні, №163 мектепте Гүлжайнадан бөлек 30 талапкер білім грантына ие болды.
Сүйінші жаңалықпен бөліскендердің бірі – Төменарықтағы №223 мектептің директоры Болат Әбен. Ол биылғы тестке қатысқан 12 оқушының 11-і грант иегері атанғанын қуана жеткізді. Ал 1-уі облыс әкімінің грантынан үмітті. Ал ең жоғарғы балл жинаған Айым Еркінбек Ақтөбе қаласындағы Марат Оспанов атындағы университетінің студенті атанған. Грантқа ие болған талапкерлер түрлі саланы таңдаған. Атап айтар болсақ, екеуі медицина мен мұғалімдік мамандықты және ақпараттық технологияны таңдаса, бір-бір талапкер ветеринария, азық-түлік, орман шаруашылығы саласына мән беріпті.
Жыл сайын ұлттық бірыңғай тестілеуден жоғарғы көрсеткішке ие болып жүрген №54 Ж.Қыдыров атындағы мектеп биыл қандай көрсеткішке қол жеткізді? Бұл сұрақты мектеп директоры Мұхтар Мелдебековке қойдық.
– Мектепті бітірген 20 оқушының 19-ы тестілеуге қатысты. Оның 10-ы грантқа түссе, қалған 9-ы колледжге құжатын тапсырды. Ал ең жоғарғы балл жинаған Анель Керімбек, медицина мамандығы бойынша университетке түсті, – деді ол.
Ал Қыркеңседегі № 213 мектепті басқаратын Қалдыбай Елемесов білім ордасынан биылғы бітірген 11 оқушының 10-ы тестілеуге қатысқанын айтты. Оның алтауы білім грантына ие болды. Біреуі жоғарғы оқу орнының ақылы бөліміне түссе, 2-уі колледжге құжат тапсырды. Ең жоғарғы балл жинаған Арман Ермекбай ІТ маманы болуға талап қылып отыр екен. Бізді Арманның сұраныс жоғары мамандықты таңдағаны қуантты.
Мемлекет басшысы Қасым-Жомарт Тоқаев биыл ауыл шаруашылығы мен инженерлік саланы көптеп қамтуды шегелеп тапсырған болатын. Сондай-ақ жоғарғы оқу орындарының рейтингі олардың грантты иемденген студенттерімен емес, жұмысқа тұрған студенттерінің көрсеткішімен өлшенеті- ні жөнінде айтқаны өзекті.
Осыған орай 14 681 грант инженер кадрларын даярлауға бөлінді. Оның ішінде, құрылыс мамандықтары үшін 2500, электротехника және энергетика мамандықтарына 1800, тау-кен өндірісіне 1702 грант бөлінген болатын. Грант саны бойынша педагогика алда тұр, оған 8243 грант бөлінді. 4088 грант жаратылыстану, математика және статистика саласына бөлінген болса, 3 815 грант ақпараттық-коммуникациялық технологиялар үшін, 2 700 грант денсаулық сақтау саласына, 1 565 грант ауылшаруашылығы үшін, 979 грант іскерлік, басқару және заңгерлік мамандықтарына бөлініпті.
Биылғы жылғы ерекшелік, бітірушілер қорытынды емтиханнан босатылды. Мұның өзі талапкерлерге тестке алаңсыз дайындалуға жағдай туғызды.
Иә, бүгінгі жас – елдің ертеңгі мызғымас тірегі, келешек келбеті. Сол себепті олардың білімді, бәсекеге қабілетті болуы ел дамуындағы аса маңызды фактор. Осы тұрғыдан келгенде түлектердің мемлекетке қажетті мамандықтарды игеріп, дамуға, өркендеуге үлес қосқаны маңызды. Мемлекет басшысының қойып отырған талабы да осы.
Әйгерім Мырзахметова
Білім және ғылым министрлігі 2020-2021 оқу жылына мемлекеттік 69 256 мың грант бөлген болса, оның 53 785-і бакалавр, яғни мектеп бітірушілеріне арналған. Бұл грантқа әрбір тестілеуге қатысып, шектік 50 балл жинаған талапкердің үміті бар. Сондай талапкердің бірі – Гүлжайна Талғатқызы. Ол №163 мектепті жақсы оқып, өз білімімен грантқа ілінгеннің бірі. Карантин оның тестке дайындалуына еш кедергісін келтірмеген. Қайта бос уақытты тиімді пайдаланып, дайындығын күшейте түскен.
– Мен Алматы қаласындағы Абай атындағы Қазақ Ұлттық педагогикалық университетінің грантына ие болдым. Биология және химия пәнін таңдаған болатынмын. Білім бәйгесіне 91 балмен қатыстым. Алла бұйыртса, мұғалім мамандығын игеріп, туған жеріме қызмет етемін, – деді студент.
Айта кететіні, №163 мектепте Гүлжайнадан бөлек 30 талапкер білім грантына ие болды.
Сүйінші жаңалықпен бөліскендердің бірі – Төменарықтағы №223 мектептің директоры Болат Әбен. Ол биылғы тестке қатысқан 12 оқушының 11-і грант иегері атанғанын қуана жеткізді. Ал 1-уі облыс әкімінің грантынан үмітті. Ал ең жоғарғы балл жинаған Айым Еркінбек Ақтөбе қаласындағы Марат Оспанов атындағы университетінің студенті атанған. Грантқа ие болған талапкерлер түрлі саланы таңдаған. Атап айтар болсақ, екеуі медицина мен мұғалімдік мамандықты және ақпараттық технологияны таңдаса, бір-бір талапкер ветеринария, азық-түлік, орман шаруашылығы саласына мән беріпті.
Жыл сайын ұлттық бірыңғай тестілеуден жоғарғы көрсеткішке ие болып жүрген №54 Ж.Қыдыров атындағы мектеп биыл қандай көрсеткішке қол жеткізді? Бұл сұрақты мектеп директоры Мұхтар Мелдебековке қойдық.
– Мектепті бітірген 20 оқушының 19-ы тестілеуге қатысты. Оның 10-ы грантқа түссе, қалған 9-ы колледжге құжатын тапсырды. Ал ең жоғарғы балл жинаған Анель Керімбек, медицина мамандығы бойынша университетке түсті, – деді ол.
Ал Қыркеңседегі № 213 мектепті басқаратын Қалдыбай Елемесов білім ордасынан биылғы бітірген 11 оқушының 10-ы тестілеуге қатысқанын айтты. Оның алтауы білім грантына ие болды. Біреуі жоғарғы оқу орнының ақылы бөліміне түссе, 2-уі колледжге құжат тапсырды. Ең жоғарғы балл жинаған Арман Ермекбай ІТ маманы болуға талап қылып отыр екен. Бізді Арманның сұраныс жоғары мамандықты таңдағаны қуантты.
Мемлекет басшысы Қасым-Жомарт Тоқаев биыл ауыл шаруашылығы мен инженерлік саланы көптеп қамтуды шегелеп тапсырған болатын. Сондай-ақ жоғарғы оқу орындарының рейтингі олардың грантты иемденген студенттерімен емес, жұмысқа тұрған студенттерінің көрсеткішімен өлшенеті- ні жөнінде айтқаны өзекті.
Осыған орай 14 681 грант инженер кадрларын даярлауға бөлінді. Оның ішінде, құрылыс мамандықтары үшін 2500, электротехника және энергетика мамандықтарына 1800, тау-кен өндірісіне 1702 грант бөлінген болатын. Грант саны бойынша педагогика алда тұр, оған 8243 грант бөлінді. 4088 грант жаратылыстану, математика және статистика саласына бөлінген болса, 3 815 грант ақпараттық-коммуникациялық технологиялар үшін, 2 700 грант денсаулық сақтау саласына, 1 565 грант ауылшаруашылығы үшін, 979 грант іскерлік, басқару және заңгерлік мамандықтарына бөлініпті.
Биылғы жылғы ерекшелік, бітірушілер қорытынды емтиханнан босатылды. Мұның өзі талапкерлерге тестке алаңсыз дайындалуға жағдай туғызды.
Иә, бүгінгі жас – елдің ертеңгі мызғымас тірегі, келешек келбеті. Сол себепті олардың білімді, бәсекеге қабілетті болуы ел дамуындағы аса маңызды фактор. Осы тұрғыдан келгенде түлектердің мемлекетке қажетті мамандықтарды игеріп, дамуға, өркендеуге үлес қосқаны маңызды. Мемлекет басшысының қойып отырған талабы да осы.
Әйгерім Мырзахметова
