Автокөліктің газдағы қауіпсіздігі

2020 жылдың 7 айында аудан аумағында автокөліктерде 6 өрт оқиғасы тіркелген. Өрт оқиғасы салдарынан 3 жеңіл автокөлік толығымен өртеніп кетті.
Орын алған өрттердің шығу себептері: автокөлік құралдарының сымдарының қысқаша тұйықталуынан және газ қондырғыларының ақауынан. 2020 жылдың 12 тамыз күні Жаңақорған ауданының Төтенше жағдайлар бөлімінің қызметкерлерімен автокөліктердегі өрттердің алдын-алу мақсатында аудан көлеміндегі жанармай құю бекеттерінде үгіт-насихат жұмыстарын жүргізілді.
Автомобиль иелерінің назарына: Құбырлардың, газ және бензин клапандарының, буландырғыш редуктордың қосылыстарының герметикалығына және газ баллонының сенімді бекітілуіне ерекше назар аудару керек. Күнделікті тексеру кезінде газдың ағып кетуін, газға қосылған одорант жасаған иіс арқылы анықтауға болады. Газ баллонын сынау мерзімі өткен автомобильді, газ отынымен пайдалануға жол берілмейді. Баллондар "қысыммен жұмыс істейтін ыдыстарды орнату және қауіпсіз пайдалану қағидаларында" (екі жылда бір рет) белгіленген мерзімде куәландыруға жатады. Тексеру күні мен таңба баллонның жиегінде орналасқан пластинада жазылады. Клапан механизмдерінің механикалық қоспалармен зақымдануын болдырмау үшін сүзгі элементтерін мезгіл-мезгіл тазалап отыру керек. Мультиклапандағы шығыс вентилі арқылы өту кезінде газдың дроссельденуін болдырмау үшін толық ашылуы қажет.
Жанармай құю кезінде қатаң тыйым салынады:
-оталып тұрған автокөлікке май құюға;
-темекі шегуге және ашық отты пайдалануға;
-автомобильді қандай да бір жөндеуді жүргізу;
- аппаратура бойынша металл заттарды қағу;
-бір баллоннан екіншісіне газ құю немесе айдау арқылы май құюды орындауға;
Автокөлікті жабық бөлмеде сақтау кезінде келесі кіру және шығу тәртібін сақтау қажет:
-гаражға кірер алдында мультиклапандағы жанармай құю және шығыс вентильдерін жабу, қозғалтқыш тоқтағанға дейін жүйеден газ шығару, бензинде қозғалтқышты іске қосу және гараж ішіндегі автомобильдің барлық қозғалысын тек бензинмен жүргізу;
-гараждан шыққан кезде бензинмен қозғалтқышты іске қосыңыз, бөлмеден шыққаннан кейін қозғалтқышты газға ауыстырыңыз;
-гараждың ішінде баллон вентильдерін ашуға және қозғалтқышты газбен іске қосуға тыйым салынады.
Автомобильдің газдағы қауіпсіздігін қамтамасыз ететін 4 ережелер сақталуы тиіс:
-ережелер мен нормаларға сәйкес жабдықты орнату;
-электр клапаны бар сенімді бекіту арматурасы;
-тұрақты сервистік қызмет көрсету және 2 жылда 1 рет тексеру;
- баллондарды мерзімді куәландыру (әрбір 2 жыл сайын – пропан, әрбір 3 немесе 5 жыл сайын-метан).
Газ құралдарын тек сапалы жабдықты сенімді орнату орталықтарында орнатыңыз.