КАРАНТИН ЖЕҢІЛДІКТЕРІ: ТАЛАП ПЕН ТӘРТІПТІ САҚТАУ – МІНДЕТ
Дерек көздеріне қарағанда, елдегі карантиндік талаптарға сай коронавирус жұқтырғандар саны азайды. Яғни эпидемиологиялық ахуал тұрақтанып келеді. Бірақ, бұл – вирусты толық жеңдік деген сөз емес. Сондықтан карантин кезінде енгізілген қатаң шараларды кезең-кезеңімен жеңілдету маңызды. Үкімет отырысында Денсаулық сақтау министрі Алексей Цой осылай деп мәлімдеді.
Министрдің сөзінше, карантин шараларын жеңілдету кезінде санитарлық талаптар сақталу тиіс. Яғни маскалы режим мен ара-қашықтықтың сақталуы міндетті. Ең бастысы, енгізілген екі апталық карантин кезінде елде жағдай тұрақталып, медицина мамандары мен ұйымдарының жұмысы жеңілдей түскен.
Қарусыз майданда алдыңғы шепте еңбек еткен медицина мамандарының арқасында вирустан жазылып шыққандардың саны 63 проценттен асты. Індетті жұқтырғандардың тәуліктік өсімі 4 проценттен 1,7-ге азайды. Стационардағы орындардың жүктемесі 46, жедел-жәрдем көмегіне жүгінушілер саны 38 процентке төмендеді.
Коронавирус жұқтырушылардың саны, пандемиядан қайтыс болғандардың деңгейі және ауруханаларда төсек-орындардың аптасына 70 процентке азаюы елде жарияланған карантиндік шаралардың жеңілдетілуіне себеп болды. Енді санитарлық тазалықты, маскалық режимді және әлеуметтік қашықтықты сақтай отырып сауда-ойын сауық орталықтары, сауда орындары, жабық азық-түлік базарлар жұмысын бастайтын болады. Сонымен қатар балалар коррекциялық орталықтары, үйірмелер, білім беру орталықтарында әр топта 5 баладан асырмай жұмыс істеуіне рұқсат. Мектепке дейінгі білім беру орталықтары да кезекші топтарды аша алады. Сұлулық салондары, шаштараз, косметикалық және косметологиялық қызмет көрсету орталықтары алдын ала жазылу арқылы жұмыс істейді.
Мемлекеттік органдар және басқа да ұйымдар, кеңсе қызметкерлерінің 80 пайызына қашықтан жұмыс істеу тәртібі сақталады. Сондай-ақ таза ауада қашықтық сақтай отырып, жеке және топтық жаттығулар жасауға рұқсат етіледі. Ұлттық құрамалар 30-дан аспайтын адам жиналып жаттығу өткізе алады. Көше, парк, саяжайларда 3 адамнан серуендеуге болады. Қоғамдық көлікте маскалық режимде, санитарлық талапты сақтай отырып жүруіне рұқсат етіледі және 50 пайызға ғана жолаушы тасымалдай алады. Алайда өз күшінде қалған, жұмыс жалғастыруға тыйым салынған нысандар да жоқ емес. Мәселен, жаппай той тойлау шаралары, көңіл көтеру мекемелерінің, кинотеатр, фудкорт, банкет залдары мен мейрамхана, түнгі және ойын клубтарының жұмыс істеуіне шектеу қойылған. Мәдени нысандар, музей, конференция, көрме, форум ұйымдастыруға сондай-ақ спорт зал, фитнес зал, бассейн, аквапарктар мен діни нысандардың жұмыс істеуіне рұқсат етілмейді.
Жаңақорған аудандық тауарлармен көрсетілетін қызметтердің сапасы мен қауіпсіздігін бақылау басқармасы басшысының міндетін атқарушы Шынар Айдарованың сөзінше, жеңілдетілген карантиндік талап-міндеттерді сақтау арқылы індетті жеңуге болады. Егер талап сақталмаса, індет қайта өршіп кетуі мүмкін. Олай болса, өзіміз үшін, өзіміздің жақындарымыз үшін талапқа бағыну міндет. Өйткені талай жайсаң жандардан айырылып, қара жамылғанымызды ұмытпау керекпіз!
Айта кететіні, әлем бойынша коронавирус 17 миллион аса адамнан анықталды, оның 670 мыңы өлді. АҚШ-та эпидемиологиялық ахуал күрделене түсті. Онда вирус жұқтырғандар саны 4,5 миллионнан асты. 30 шілдедегі статистикаға сүйенсек, Бразилия, Үндістан, Ресей, Оңтүстік Африка Республикасы, Мексика, Перу, Чили, Испания, Ангияда эпидемиологиялық ахуал толық тұрақтанған жоқ. Қазақстан 213 елдің ішінде 26 орында тұр. Егер халық санымен есептейтін болсақ, бұл – жоғары көрсеткіш. Мұнымен мақтануға болмайды. Сондықтан талап пен тәртіпті сақтау міндетіміз. Осыны ұмытпау керек.
Министрдің сөзінше, карантин шараларын жеңілдету кезінде санитарлық талаптар сақталу тиіс. Яғни маскалы режим мен ара-қашықтықтың сақталуы міндетті. Ең бастысы, енгізілген екі апталық карантин кезінде елде жағдай тұрақталып, медицина мамандары мен ұйымдарының жұмысы жеңілдей түскен.
Қарусыз майданда алдыңғы шепте еңбек еткен медицина мамандарының арқасында вирустан жазылып шыққандардың саны 63 проценттен асты. Індетті жұқтырғандардың тәуліктік өсімі 4 проценттен 1,7-ге азайды. Стационардағы орындардың жүктемесі 46, жедел-жәрдем көмегіне жүгінушілер саны 38 процентке төмендеді.
Коронавирус жұқтырушылардың саны, пандемиядан қайтыс болғандардың деңгейі және ауруханаларда төсек-орындардың аптасына 70 процентке азаюы елде жарияланған карантиндік шаралардың жеңілдетілуіне себеп болды. Енді санитарлық тазалықты, маскалық режимді және әлеуметтік қашықтықты сақтай отырып сауда-ойын сауық орталықтары, сауда орындары, жабық азық-түлік базарлар жұмысын бастайтын болады. Сонымен қатар балалар коррекциялық орталықтары, үйірмелер, білім беру орталықтарында әр топта 5 баладан асырмай жұмыс істеуіне рұқсат. Мектепке дейінгі білім беру орталықтары да кезекші топтарды аша алады. Сұлулық салондары, шаштараз, косметикалық және косметологиялық қызмет көрсету орталықтары алдын ала жазылу арқылы жұмыс істейді.
Мемлекеттік органдар және басқа да ұйымдар, кеңсе қызметкерлерінің 80 пайызына қашықтан жұмыс істеу тәртібі сақталады. Сондай-ақ таза ауада қашықтық сақтай отырып, жеке және топтық жаттығулар жасауға рұқсат етіледі. Ұлттық құрамалар 30-дан аспайтын адам жиналып жаттығу өткізе алады. Көше, парк, саяжайларда 3 адамнан серуендеуге болады. Қоғамдық көлікте маскалық режимде, санитарлық талапты сақтай отырып жүруіне рұқсат етіледі және 50 пайызға ғана жолаушы тасымалдай алады. Алайда өз күшінде қалған, жұмыс жалғастыруға тыйым салынған нысандар да жоқ емес. Мәселен, жаппай той тойлау шаралары, көңіл көтеру мекемелерінің, кинотеатр, фудкорт, банкет залдары мен мейрамхана, түнгі және ойын клубтарының жұмыс істеуіне шектеу қойылған. Мәдени нысандар, музей, конференция, көрме, форум ұйымдастыруға сондай-ақ спорт зал, фитнес зал, бассейн, аквапарктар мен діни нысандардың жұмыс істеуіне рұқсат етілмейді.
Жаңақорған аудандық тауарлармен көрсетілетін қызметтердің сапасы мен қауіпсіздігін бақылау басқармасы басшысының міндетін атқарушы Шынар Айдарованың сөзінше, жеңілдетілген карантиндік талап-міндеттерді сақтау арқылы індетті жеңуге болады. Егер талап сақталмаса, індет қайта өршіп кетуі мүмкін. Олай болса, өзіміз үшін, өзіміздің жақындарымыз үшін талапқа бағыну міндет. Өйткені талай жайсаң жандардан айырылып, қара жамылғанымызды ұмытпау керекпіз!
Айта кететіні, әлем бойынша коронавирус 17 миллион аса адамнан анықталды, оның 670 мыңы өлді. АҚШ-та эпидемиологиялық ахуал күрделене түсті. Онда вирус жұқтырғандар саны 4,5 миллионнан асты. 30 шілдедегі статистикаға сүйенсек, Бразилия, Үндістан, Ресей, Оңтүстік Африка Республикасы, Мексика, Перу, Чили, Испания, Ангияда эпидемиологиялық ахуал толық тұрақтанған жоқ. Қазақстан 213 елдің ішінде 26 орында тұр. Егер халық санымен есептейтін болсақ, бұл – жоғары көрсеткіш. Мұнымен мақтануға болмайды. Сондықтан талап пен тәртіпті сақтау міндетіміз. Осыны ұмытпау керек.