Демалыс күндері енгізілетін карантин режимі

Эпидемиологиялық жағдайдың күрделене түсуіне және Қазақстанның бірнеше өңірлерінде коронавирустық инфекциялардың таралу деңгейінің жоғарылауына байланысты демалыс күндері ағымдағы жылдың 20-21 маусымы аралығында қосымша шектеу шараларын қабылдауға шешім қабылданды.

Бұл туралы үкімет басшысы Асқар Мамин өзінің баяндамасында айтып берді. Тұрғын саны көп қалалар мен елді мекендерде бірқатар шектеулер енгізілетін болды.

Нұр-Сұлтан, Алматы, Қарағанды, Шымкент, Павлодар және Екібастұз қалаларында:

- сауда ойын-сауық орталықтарының, сауда үйлерінің, желілік дүкендердің, жабық азық-түлік және басқа да базарлардың қызметі тоқтатылады;
- қоғамдық тамақтану орындары тек далада әрі әлеуметтік арақашықтықты сақтап қана жұмыс істеуі тиіс;
- қоғамдық көліктердің қызметі шектеледі;
- қоғамдық демалыс орындары: парктер, саябақтар, жағалаулар, жағажайлар, аквапарктер қызметі тоқтатылады;
- фитнес орталықтардың қызметі тоқтатылды;
- 65 жастан асқан адамдардың далаға шығуы шектелсін.

Нұр-Сұлтан, Алматы, Қарағанды, Шымкент, Павлодар және Екібастұз қалаларына аумақтық жақын орналасқан туристік аймақтарға кіруге тыйым салу ал аталған аймақтардағы адамдарға – әлеуметтік қашықтықты сақтау қажет.

Халқы 50 мыңнан асатын елді мекендерде:

- қоғамдық орындардың: парктер, саябақтар, жағалаулар, жағажайлар, аквапарктер жұмысы тоқтатылады;
- 65 жастан асқан адамдардың далаға шығуы шектелсін.