Тауардан тарықпаймыз
Елімізде азық-түлік тапшылығы жоқ. Президент мәлімдемесінде осылай деді. Оның үстіне жергілікті билік органдары әлеуметтік маңызы бар тауарлар бағасын бақылауда ұстап отырғанын жеткізді. Расында қазіргі жағдайда біздің ауданда да азық-түліктің тапшылығы байқалмайды. Десе де, тұрғындар тауардың күрт қымбаттауына наразы. Әрине бұл тауарлар өзге өңірлерден келетін болғандықтан бағасы тұрақсыз келеді. Президенттің мәлімдемесі бізге демеу болғандай болды. Әйтпесе сауда үйінің жұмысы тұралап, оның ішінде қаншама қызметкер жұмыссыз қалар еді.
Бір жағынан Мемлекет басшысы шағын және орта бизнес субъектілерінің ахуалына алаңдап отырғанын жеткізді. Әсіресе шағын кәсіп иелері уақыт оздырмай іске кіріспесе шаруасы тұралап қалатыны жасырын емес. Сондықтан Мемлекет басшысы мамыр айынан бастап кәсіпкерлер мен кейбір мекемелерге қайта қызметке кірісуге мүмкіндік берді.
Нұржан ПАЛМАНОВ,
«Заңғар» сауда үйінің иесі
«Заңғар» сауда үйінің иесі
