Жаңақорған аудандық сотында әкімшілік істер виртуалды түрде қаралуда

Қазақстан Республикасының барлық аумағында 2020 жылғы 16 наурыздан бастап төтенше жағдай енгізілуіне байланысты аудандық сотта азаматтардың қауіпсіздігін қамтамасыз ету мақсатында сот өндірісіндегі істер виртуалды түрде қаралуда. Азаматтар сотқа келместен, өзінің тұрғылықты жері немесе жұмыс орнында отырып, бейнебайланысконференц арқылы немесе ұялы телефондарына «TrueConf» қосымшасын жүктеу арқылы сот отырыстарына онлайн қатыса алады.
Соның бір дәлелі, өткен аптада аудандық сот судьяларымен қаралған 30 әкімшілік құқық бұзушылық туралы іс тараптардың сот отырысына «TrueConf» қосымшасын қолдану арқылы қатысуымен қаралды.
Аталған шаралар азаматтардың өмірі мен денсаулығына төнетін қауіп-қатерлерді барынша азайтуға бағытталған.

Ақпарат: Жаңақорған аудандық сотының баспасөз қызметі.