Татуласу орталығында азаматтарды қабылдау жүргізілді

Жаңақорған кентінде орналасқан Татуласу орталығында аудандық сот судьяларының кезекшілікте болу және азаматтарды қабылдау кестесіне сай аудандық соттың төрағасы Ә.Түбекбаева азаматтарды қабылдау өткізді.

«Азаматтарды қабылдау» іс-шарасы халыққа құқықтық көмек көрсету, құқықтық мәдениетті арттыру, сот төрелігіне қолжетімді ету және татуласу рәсімдерін кеңінен насихаттау мақсатында өткізіледі. Сонымен бірге жергілікті халықты ақпаратпен қамтамасыз ету, сот билігінің беделін, ашықтығы мен жариялығын арттыру, БАҚ өкілдерімен азаматтардың сауалдарына жауап беру болып табылады.
Қабылдауға Жаңақорған ауданының 3 тұрғыны келіп, өздерінің шешілмей жүрген мәселелерімен кеңестерін алды.
Іс-шараға келген аудан тұрғындары Т. және Е. қарыз ақша өндіру мәселесіне қатысты туындаған сауалдарын қойды.
Шара аясында азаматша Ж., жұбайынан балаларына тиесілі алимент өндіру туралы  сұрағымен жүгінді.
Қабылдауда болған тұрғындарға сотқа жүгіну тәртібі түсіндірілді және қазіргі таңдағы сот жүйесіне енгізілген жаңа технологиялар туралы айтылды.
Сонымен қатар, татуластыру рәсімдері аясын одан әрі кеңейту мақсатында жеке санаттағы дауларды (жанжалдарды) медиация тәртібімен сотқа дейін реттеу бойынша пилоттық жоба жүзеге асырылып жатқанын, бұл пилоттық жоба дауларды сотқа жеткізбей шешуге бағытталғанын, жаңа жоба медиация институтының дамуына орасан зор ықпалын тигізіп, қоғамдағы дауларды азайтуда нақты нәтижелер беретіндігін айтып өтті.
Судьялардың халықпен жүздесуі азаматтарға дәйекті жауап  алуға, әділ сот төрелігіне деген сенімді арттыруға мүмкіндік береді.

Қайнар: Жаңақорған аудандық сотының баспасөз қызметі