Аудан тұрғындарын кәсіпкерлікке тарту мақсатында «Ордакент» ардагерлер, жастар ресурстық орталығының мәжіліс залында «Кәсіпкер сыры» атты кездесу болып өтті. «Жастар ресурстық орталығы» КММ-сінің ұйымдастыруымен өткен басқосуда кәсіпкер, ауданымыздағы мәдени-көпшілік іс-шаралардың ұйымдастырушысы, жастар жанашыры Серік Бақытұлы жиынның басты қонағы болды. 
Беделді кәсіпкермен кездесуге аудандық мектептер мен колледждің оқушылары, белсенді жастар мен кәсіпкерлікке қызығушылығы бар аудан тұрғындары қатысып, TedX форматында еркін сұхбаттасты. Жиын соңына қарай «Сәнді сырмақ» қолөнер орталығының жетекшісі Насырова Мейрамкүл кәсіптегі серіктесіне өз кәсібінің үлгісі ретінде арнаулы кәдесыйды сыйға тартты. 
Кездесу соңында барлық көрермендер Серік Бахытұлымен бірге хормен ән айтып, естелік суретке түсті. Жиынға қатысушылар кәсіпкер ағамыздан ойларындағы сұрақтарына жауап алып, ризалық білдірді.