Алматы қаласынан қазақ картоп және көкөніс шаруашылығы ғылыми-зерттеу институтының директоры Айтбаев Теміржан Ерқасымұлы бастаған білікті мамандар Жаңақорған ауданында болып, ауданымызда картоп және көкөніс шаруашылығын дамыту және ғылыми тәжірибе алмасу мәселелері бойынша семинар кеңес өтті.
Семинар кеңес аясында Жаңақорған ауданы əкімдігі мен Қазақ картоп жəне көкөніс шаруашылығы ғылыми-зерттеу институты арасындағы келісім-шартқа қол қойылды. Келісім-шартқа сәйкес осы институт өндіретін көкөніс өнімдерінің 26 түрлі тұқымы қолжетімді бағада аудан жұртшылығына жеткізілетін болды. Осылайша Елбасымыздың 2018 жылғы Қазақстан халқына Жолдауынан туындайтын басым-бағыттар жүзеге асырылып жатыр. 
Нұрбол БАКИРОВ.