Жаңа жыл түні Жаңақорғанда қанша сәби дүние есігін ашты?

Жаңақорғанда 2020 жылдың 1 қаңтар күні 11 ұл-қыз дүние есігін ашқан. Бұл туралы бізге аудандық орталық аурухананың перзентхана бөлімі меңгерушісі Сәуле Бектұрғанова мәлімдеді.

Оның айтуынша, жаңа жыл түні 5 ұл, 6 қыз дүниеге келген. Оның ішінде, Ақмарал Шаметова есімді тұрғын егіз босанған. Ал жалпы 2020 жылдың 1-4 қаңтар аралығында Жаңақорғанда 14 ұл, 14 қыз дүние есігін ашқаны белгілі болды. Бөлім меңгерушісі Сәуле Бектұрғанованың айтуынша, бүгінде барлық 28 нәресте мен аналарымыздың жағдайы жақсы.

Жасұлан СЕЙДЕМЕТОВ