Малайзия ғылым және технологиялар университеті (Malaysia University of Science and Technology) магистратурада оқу үшін гранттарды ұсынды, - деп хабарлайды Tengrinews.kz тілшісі "Халықаралық бағдарламалар орталығы" АҚ сайтына сілтеме жасап.
Сайттың хабарлауынша, бұл университет жаратылыстану, инжиниринг және бизнес саласындағы барлық бағдарламада білім беретін Малайзияның жетекші университеті болып табылады. 2000 жылы Массачусетс технологиялық институтының (MIT) қолдауымен құрылған. Сондықтан университеттік бағдарламалар, болашақ кәсіпорындар мен жұмыс орындарының қажеттіліктерін есепке ала отырып, MIT университетінің оқыту стиліне ұқсастырылып жасалған. Магистратурада оқығысы келетін үміткерлер үшін университет - 5 орын ұсынады.