Испаниялық Долорес Лейс АҚШ президенті Дональд Трампқа ұқсағандықтан жерлестері арасында әлеуметтік желіде үлкен танымалдылыққа ие болды, деп хабарлайды Baq.kz ақпарат агенттігі.

Жергілікті La Voz de Galicia басылымының хабарлауынша, әйелдің суретін аталған басылымның журналисті Паула Васкес жариялаған.
Трапмтың 64 жастағы әйел егізі Нантон қыстағында тұрады, журналист ол жерге Лейстың америкалық президентке ұқсастығына бола емес, сол жердің тіршілігі туралы материал жазу үшін барған.

«Менің ойымша барлығы шашымның түсіне байланысты», — деп түсіндірді өзінің ұқсастығын Лейс.

Жалпы, Долорес Лейс өзінің ғаламторда әйгілі болғанын немерелерінен білген. Ол ұялы телефон ұстамайды және әлеуметтік желілерге қызықпайды.