Telegram секілді Facebook та бұғатталуы мүмкін

Ресей Telegram-ды бұғаттап, енді Facebook-ке кіріскен сияқты. Роскомнадзор 2018 жылдың соңына дейін Facebook-ті тексеріп, егер компания өз жұмысын билік талабына сай реттемесе әлеуметтік желіні бұғаттайтынын хабарлаған.

Бұл туралы 31 арна хабарлады.
Атап айтқанда ақпараттық технология және коммуникация саласын бақылау қызметі ресейлік азаматтардың мәліметтер базасын Ресей аумағында орналастыруды және тыйым салынған ақпараттарды жоюды талап етіп отыр.
Ресейде 16 сәуірден бастап сот шешімімен Telegram мессенджері және онымен байланысты Amazon мен Google компанияларының IP адрестері бұғаттала бастаған. Соның кесірінен жүздеген онлайн сервистер, атап айтқанда интернет дүкендер, курьерлік қызметтер, Viber мессенджері мен ресейлік «Одноклассники» әлеуметтік желісі де зардап шекті.