"Ақылды" есік
Жуырда жас өнертапқыш жер ғаламын дүр сілкіндірген дүние ойлап тапты. Оның ойлап тапқан есігі кілтпен ашылмайды. Өзінің сиқыры бар. Қандай дерсіз?.. Айталық. Ол тек сол үйде тұратын адамдардың ғана қаққан дауысын «естиді». Бөтен біреу қанша тоқылдатса да оның ішке енуіне жол бермейді. Қазір ұры-қарылар көбейген уақытта мұндай дүниеде қажет екен деген ой түйдік.
Шымкенттегі №2 «Білім-инновация» қыз балалар лицей-интернатының 10 сынып оқушысы Мунира Убайдуллаева жобаны жасауға екі ай уақыт кеткенін айтады. Осылайша, ізденімпаз қыз өзі тұратын Шымкент қаласының болашақта «ақылды қалаға» айналуына үлес қоспақ.
