ӘЛЕМДЕГІ ЕҢ БАЙ АДАМ, ТАНЫМАЛ ФИЛАНТРОП БИЛЛ ГЕЙТС ӨЗІНІҢ MICROSOFT КОРПОРАЦИЯСЫНЫҢ 64 МИЛЛИОН ҮЛЕСІН ҚАЙЫРЫМДЫЛЫҚҚА АУДАРДЫ. BLOOMBERG МӘЛІМЕТІНЕ СҮЙЕНСЕК, БҰЛ МИЛЛИАРДЕРДІҢ СОҢҒЫ 17 ЖЫЛ ІШІНДЕГІ ЕҢ ҮЛКЕН ҚАЙЫРЫМДЫЛЫҒЫ,ДЕП ХАБАРЛАЙДЫ HIGHTECH.FM АҚПАРАТТЫҚ ПОРТАЛЫ.
Бағалы қағаздар мен биржалар жөніндегі комиссияның құжатына сәйкес, Билл Гейтс осы жылдың 6 маусым күні Microsoft-тың 64 миллион акциясын, яғни 4,6 миллиард долларды белгісіз бір шотқа аударған. Бұл миллиардердің жалпы байлығының 5 пайызын құрайды. Дегенмен, ол мұндай соманы аударса да, жаһандағы ең бай адам болып қала бермек.Сондай-ақ, 2000 жылы Гейтс бүкіл әлем бойынша қайырымдылық бастамаларымен айналысатын Билл мен Мелинда Гейтс Қорына 5 миллиард доллар бөлген еді. Ақпарат көздерінің мәліметінше, биыл да аталмыш қайырымдылық ұйымына қаржы бөліп, оның  көлемі 18 миллиард долларға жетуі мүмкін. 2010 жылы Microsoft корпорациясының негізін қалаушы, миллиардер Уоррен Бюфтпен бірге әлемдегі ең бай адамдарды  қайырымдылық жасауға шақыратын «Giving Pledge» жобасын жасады. Қазіргі уақытта ол ұйымда 170 қатысушы бар.