Туризм мерекесі атап өтілді

1980 жылы 27 қыркүйек бүкіл дүние жүзілік туризм күні деп белгіленді.

Мереке 1979 жылы Испанияның Торремолинос қаласында Бүкілдүниежүзілік туристік ұйымның Бас ассамблеясымен бекітілді.  Жыл сайын 27 қыркүйек күні атап өтіледі.
Мерекенің мақсаты - туризмді насихаттау, оның әлемдік қауымдастықтың экономикасына қосар үлесін айту, әртүрлі елдер халықтарының арасындағы байланысты дамыту.
Мереке көптеген елдерде атап өтіледі. Бұл күні туристердің слеті, мерекелік іс-шаралар мен фестивальдар ұйымдастырылады. Бүкілдүниежүзілік туристік ұйым жыл сайын мерекенің ұранын бекітеді. Мәселен, ең алғашқы - 1980 жылы әлем жұртшылығы оны «Туризмнің мәдени мұраны, бейбітшілік пен өзара түсіністікті сақтаудағы үлесі» ұранымен атап өтті.