Қолыңызға зер салыңыз ("Мұсылман күнтізбесі"- нен алынған дерек)

Адам өмірінде қолдың маңызы ерекше. Ал, сол қолдағы белгілерге қарап қандай аурудың алғашқы белгісі барын білгіңіз келсе төмендегі сілтемені міндетті түрде ашып оқып көріңіз.

1.Қолыңыз қысы-жазы бір жылымайтын болса, онда аяқ-қолдағы қан айналымының бұзылғаны. 

2.Қос алақаныңыз шоққа қақтағандай үнемі лапылдап, қызып жүрсе, бауырдың уытқа қарсы "қайратының" кеми бастағаны. 

3.Алақаныңыз қарадан-қарап тершіп, дымданып, әйтпесе құрғап, бозарып жүрсе, қалқанша без жұмысындағы ақаудың салдары. 

4.Қолыңыздың терісі ақ жарғақтанып, сыдырылып түсе бастаса, тәніңізде А, Д дәрумендері тапшы. 

5.Шынашағыңыз ауық ауық жансызданып қалғандай сезілетін болса, жүрек қан тамырлары жүйеңізде ақау бар. 

6.Ауық-ауық жансыздану үлкен саусақтардан байқалса, тыныс жолындағы кеселдің хабаршысы. 

7.Саусақтың ең төменгі, яғни алақанға ұштасқан тұсындағы буынға терең, көлбеу әжімдер түссе, сусамырға шалдығуыңыз ғажап емес. 

8.Саусақтарыңыздың ұшы қан қызыл түске енсе, ас қорыту жүйеңіздегі ақауды, қоңыр қызыл түске енсе, бауыр мен бүйректегі кеселді аңғартады. 

9.Оң қолдағы сұқ саусақ ұшының екі қапталы дуылдап, қыши берсе, тоқ ішегіңізді бір тексертіп алыңыз. 

10.Сұқ саусақтың ішкі жағы жарғақтанып, терісі түлей берсе, өтқалтасы жұмысының бұзылғаны. 

11.Алақан мен саусақтағы бұл өзгерістер, әрине, ауруыңызды өзіңіз «анықтап», өзіңіз «ем» тағайындауыңыз үшін емес, дәрігерге көрініп, тексерілуіңізге нақты себеп.