Біз батырлар жалғасымыз

Ұлы Жеңістің 80- жылдығына орай 5-мамыр күні Аққорған ауылдық округы, ауылдық клубы ұйымдастыруымен Жанакорган ауданы мәдениет және тілдерді дамыту бөлімінің қолдауымен "Ұрпаққа ұран болған Ұлы-жеңіс" атты облыстық жазба ақындар мүшайрасы болып өтті.
Ұйымшылдық ұялаған, бақ қонған,ауызбіршілікті алтындай бағалаған Түгіскен жұрты дана халқымыздың ежелден келе жатқан салт дәстүріндегі өткенді құрметтеу,бабалар рухына тағзым ету сынды ізгі қасиеттерді дәріптеп келеді. Бүгінгі Ұлы Жеңістің 80 жылдығына орай "Ұрпаққа ұран болған Ұлы-жеңіс атты майдангер жерлестерімізді еске алуға арналған облыстық жазба ақындар мүшайрасы осының айғағы.
Жанакорған ауданынан 4949 жауынгер соғысқа аттанса соның ішінде ерлік көрсеткен Түгіскен ауылының 66-майдангерлері бар. Жерлесіміз Ануар Абуталипов ерлігін бүкіл қазақ елі мақтан етеді. Осы кеште батыр бабамыздың соғыс жылдардағы бейнесін сомдап, халық алдында өнер көрсеткен едім.
Дарын ӨСЕРБАЙ