Алғыс айту күні аталып өтті

Кеше Руханият орталығында көктемнің алғашқы күнімен бірге келіп жеткен 1 наурыз - алғыс айту және ҚХА құрылған күніне арналған мерекелік шара өтті.

Іс-шарада ең алдымен Қазақстан Республикасының Мемлекеттік Гимні жанды дауыста шырқалды.

Осыдан кейін сөз алған аудан әкімі Мажит Самитов жыл сайын көктем мезгілінің осындай игілікті мерекемен басталатынына қуанышты екенін жеткізіп, аудан тұрғындарын алғыс айту күнімен құттықтады. Айтулы мереке қарсаңында ауданымыздың әлеуметтік - экономикалық дамуы жолында өзіндік үлестерін қосып келе жатқан бірқатар өзге ұлт өкілдеріне алғыс хаттар табыстады.

Мерекелік іс-шараға аудандағы түрлі этномәдени, зиялы қауым, БАҚ өкілдері, жастар және аудан тұрғындары қатысты.

Іс-шара соңы аудан өнерпаздарының және этномәдени өкілдерінің ұйымдастырған концерттік бағдарламасымен жалғасын тапты.