Жазушы, ақын Бейбіт Сарыбай қазақстандықтарды 15 желтоқсанда өтетін онлайн-диктантқа қатысуға шақырды, деп хабарлайды Stan.kz ақпарат агенттігі. 
Айта кетсек, биыл қазақ әдебиетін қолдау мақсатында онлайн-диктанттың мәтіні ретінде жазушы Бейбіт Сарыбайдың шығармасы таңдалып алынды. Бұл мәтінді ол арнайы жазба жұмысы үшін дайындаған болатын. 
“Меніңше, әр қазақстандық қазақ тілін білгені абзал. Әр қазақтың ана тілінде сауатты болғаны дұрыс. Биыл екінші рет өткізілейін деп отырған онлайн-диктантқа қатысып, бағыңызды сынаңыз, бағалы сыйлыққа ие болыңыз. Бәріңізге сәттілік тілеймін”, – дейді ол. 
15 желтоқсанда өтетін онлайн-диктантқа қалай қатысуға болады?
Stan.kz ақпарат агенттігі осымен екінші жыл қатарынан онлайн-диктант ұйымдастырып келеді. Жазба жұмысы Тәуелсіздік күніне орай 15 желтоқсанда өтеді.