Газдан келетін қауіптің алдын алу жолы қандай?

Бүгін "Жаңақорған тынысы" газетінің "Көзқарас" пікір алаңында аудандық тұрғын үй коммуналдық шаруашылығы, жолаушылар көлігі және автомобиль жолаушылар бөлімінің бас маманы Расул Қарақожаев, төтенше жағдайлар бөлімінің бас маманы Елжан Шегебаев, "Тұран-Газ" ЖШС директоры Данияр Әбенұлы, "ГазРемМонтаж" ЖШС аудандық филиалының директоры Роза Спатаева, аудандық газ шаруашылығының газ желілерін пайдалану және жөндеу қызметінің инженері Алмасхан Нығматуллаұлы және белгілі блогер Әбдісамат Әбдішпен осы тақырыпты талқыладық. Яғни қауіпсіздік мәселесі ортақ әңгіме арқауы болды.
Түркістан қаласы мен Қармақшы кентінде орын алған төтенше жағдай бізге сабақ болуы тиіс. Бірінде табиғи газдан, екіншісінде, газ балоннан өрт пайда болғаны белгілі.
Мамандар қауіпсіздіктің алдын алу жөніндегі ойларын ортаға салып, көлікке газ құятын бекеттерден тұрмыстық жағдайда пайдалынатын балонға газ алу өте зиян екенін, газ пештерін тазалап отырудың маңызын, ирандық пештердің қауіпін айтып, дәлелді пікірлер келтірді.

Нұрлат БАЙГЕНЖЕ