АБАЙ ТАҒЫЛЫМДАРЫ КЕЛЕШЕК ҰРПАҚ ҮШІН МАҢЫЗДЫ

Мемлекет басшысы Қасым-Жомарт Тоқаевтың «Абай және ХХІ ғасырдағы Қазақстан» атты мақаласында көтерген мәселелері қай уақытта да өзектілігін жоғалтпайды. Себебі ел назарын аудартып отырған бұл мақалаға әлемдік деңгейдегі биік тұлғаның туындыларының насихатталуы арқау болады.

Президент Қасым-Жомарт Кемелұлының «Egemen Qazaqstan» газетінде жарық көрген бұл мақаласы ұлы Абайды әлем жұртшылығына өз деңгейінде таныту керектегі жөнінде айтылады. Айтылып қана қоймайды толық тұлға болуға әбден лайық екенін алға тартады. Сонымен қатар қазақ ұлтын, мәдениетін руханиятын дүниежүзіне хакім Абай арқылы таныту керектігі де жазылған.

Абай – ұлы ақын, жазба әдебиетінің негізін қалаған ойшыл. Ақынның шығармалары мен қарасөздері педагогикалық ой-пікірге, тәлім-тәрбиеге, даналыққа толы. Мен 30 жылдан аса мұғалімдік қызметімде Абай тағылымын оқушыларға айтып түсіндіруден еш жалыққан емеспін. Содан болар Абай тағылымына келгенде жоғары сынып оқушылары еш мүдірместен кез келген шығармасын, қара сөздері мен өлеңдерін жатқа біледі. Ал бұл дегеніміз Абайды дәріптеудің алғашқы сатысы. Бұған Президент Қасым-Жомарт Тоқаевтың да назар аударуға шақырғаны ел үшін құптарлық іс. Ол үшін ұлы ақынды насихаттауда аударма істерін қолға алып, мән беру керек. Абай сөздерінің иірімділігі осынысымен құнды.

Абайды тану – адамның өзін-өзі тануы.... Біз елді, ұлтты Абайша сүюді үйренуіміз керек....Демек, Абайдың сөзін біздер әр құлаққа ұялата алсақ, қазақтың биік бір шыңға шағары хақ.

№3 мектеп-интернаттың

қазақ тілі мен әдебиеті

пәнінің мұғалімі

Гүлнар Әлібекова