Құқық қорғау саласының ардагері марапатталды
Отбасы күніне орай "Өнегелі отбасы - қоғам байлығы" атты мерекелік шарада Жаңақорған кентінің тумасы Шахмаран Әуезханұлы мен Рима Пазылбекқызына құрмет көрсетілді.
Искаков Шахмаран 1952 жылы Жаңақорған кентінде дүниеге келген. 1977 жылдан бастап ҚР ІІМ-де учаскілік инспектор болып жұмысқа орналасқаннан бастап 26 жыл аудандық ішкі істер бөлімінде тергеу жөніндегі орынбасары қызметінен 2003 жылы подполковник шенінде зейнетке шыққан.
Жұбайы Рима Пазылбекқызы 1956 жылы Жаңақорған кентінде дүниеге келген. №51 М. Қаратаев атындағы мектепте кітапханашы болып 31 жыл жұмыс жасап зейнетке шыққан. 6 ұл, 2 қыз тәрбиелеп өсірген құтты отбасыда қазірде 24 немере, 1 шөбере өсіп келе жатыр.
Шахмаран атамыз бен Рима апамыздың шаңырақ көтергендеріне 50 жыл толып отыр.
