Бүгін Жаңақорған аудандық мәдениет үйінде "Әлшекей" атындағы өнер мектебінің 2022-2023 жылғы оқу жылының есеп беру концерті болып өтті.
Аталған мәдени шараға өнер мектебінің оқушылары қатысып, ән, би, күй, жыр жанрындағы өнерлерін көрерменге паш етті.
Өнерпаз оқушылардың ішінде ұлым Бексұлтан мен қызым Аяулым да қазақтың қара домбырасымен "Домбырашылар ансамблінде" ойнады.
Осы орайда, ата-ана ретінде "Әлшекей" өнер мектебінің барлық ұжымына және ұстаздары Айгүл Утегеноваға, Туғанай Нәлтаеваға, Гүлсара Бұлдырықоваға, Сабира Әлімбетоваға ерекше алғысымды білдіре отырып, шәкірттеріңіз тек биік шыңдарды бағындыра берсін дегім келеді!