Қызлордалықтардың керуені Арысқа аттанды

Арыстағы оқиға ортақ қайғы. Сондықтан бұл істе тұтас ел болып қимылдау шарт. Кеше "Nur Otan" партиясы Төрағасының бірінші орынбасары @maulen_ashimbayev жалпы жұртқа үндеу тастап, қамқорлық танытуға шақырды. Аймақ басшысы, партияның облыстық филиал төрағасы Қырымбек Көшербаевтың тікелей бастамасымен бір түн ішінде 2 КамАЗ, 1 Газель автокөлігімен 15 тонна күріш, 10 тонна ұн, 5 тонна қарақұмық (гречка), 1,5 тонна сүт көршілес аймаққа аттанды.

Сонымен қатар, жергілікті атқарушы органдардағы 2083 мемлекеттік қызметкер 1 күндік жалақысын аударуға ниет білдірді. Бұдан бөлек, зардап шеккендерге азаматтық қоғам институт өкілдерді, кәсіпкерлер және жеке азаматтар өз еріктерімен қолдау көрсетуде. Көмек әлі де жалғасады.
Жиналған затты Шымкентке жеткізу бізге тапсырылды. Қиналғанда бауырлардың қасында болайық деп жолға шықтық. Алла оң жолын берсін,  – деді облыстағы партия төрағасының орынбасары Ержан Байтілес.