Ең жоғары гонорар: Тойдан көп ақша табатын отандық 5 жұлдыз кім?

Той маусымы басталғаннан отандық жұлдыздар өздерінің кестесі мен талап ететін қаражат құнына өзгеріс енгізуге кіріседі. Тойдан табысты еселеп табатын шоу-бизнес өкілдері кімдер? Гонорары бойынша көш бастаған жұлдызды асабалар мен әншілер жайлы "Астана" арнасының "Ел аузында"бағдарламасына сілтеме жасаған KAZ.NUR.KZ хабарлайды.

Олардың ең қымбаты тойға 15 мың долларға барса, ең арзаны 6 мың долларды қанағат тұтқан.

Нұрболат Абдуллин - 6 мың АҚШ доллары
Нұрболат Абдуллиннің бір тойдан табатын табысы 6 мың АҚШ долларын құраған.
Әншіні қуанышыңызға шақыратын болсаңыз, қонақ үй мен ұшақ билетін алуға да дайын болыңыз.
"Бізде гонорар 6 мың доллар. Жол билеті мен қонақ үйге екі адамға орын аласыздар. Егер алдын-ала белгілі бір сомасын төлеп қоямыз десеңіздер, жеңілдікпен 2 млн теңгеге барады", - дейді Нұрболат Абдуллиннің көмекшісі.

Бүркіт пен Аиша - 7 мың АҚШ доллары
Бүркіт пен Аишаның тойдағы гонорары былтырғы жылмен салыстырғанда өзгеріссіз қалған.
Жұлдызды жұпты өз қуанышыңызда көргіңіз келсе, 7 мың АҚШ доллар төлеуге дайын болыңыз.
"7 мың доллар. Осы соманың ішінде жолы, қонақ үйі де бар. 20 минуттан екі рет шығамыз", - деді әнші.

Төреғали Төреәлі - 8 мың АҚШ долларына тойда ән айтуға дайын.
"Алматы қаласында бағамыз 7 мың доллар. Ал басқа қалаларға 8 мың доллар. Бір аптаның ішінде гонорарды төлесеңіздер, үш адамға билетті өзіміз аламыз. Сонда сіздер тек қонақ үймен қамтамасыз етесіздер. Ең азы - 8 ән айтамыз. Ал егер төлем бір аптаның ішінде орындалмаса, үш адамға ұшақ билетін өздеріңіз аласыздар", - дейді Төреғали Төреәлінің көмекшісі.
Қайрат Нұртас - 9 мың АҚШ доллары
Мұнан бөлек әнші мен көмекшісінің билеттері, қонақ үйі де сіздің қалтаңыздан төленеді.
Тұрсынбек Қабатов - 15 мың АҚШ доллары
Ал танымал әзілкешке той басқартқыңыз келсе, 15 мың АҚШ долларын төлеуіңіз керек.
"15 мың доллар. Тек жүргізуі, ұшақ билеттері, тамағы мен қонақ үйі осы соманың ішінде", - дейді әзілкештің көмекшісі.
Естеріңізге сала кетейік, отандық шоу-бизнес өкілдерінің әндерін біздің "Музыка Нур" қосымшасынан тыңдай аласыздар.

ДЕРЕККӨЗ: nur.kz