Оралдық Ержан Ресейде өткен ән байқауда дауысымен стақан сындырды.

Жобаның жартылай финалында өнер көрсеткен үш баланың ішінен жетекшілік еткен Меладзе Ержан Максимді таңдаған, деп хабарлайды "Жаңақорған тынысы" Stan.kz ақпараттық агенттігі басылымына сілтеп.

     Ержанның анасы айтқандай жартылай финал 2 наурызда Мәскеуде өткен. Сол кезде Ержан Максим байқаудың финалисті болып жарияланған. Ержанды қолдау үшін көпшілік жиналғанымен, ішке тек ет жақындарын ғана кіргізгенін айтады. Басқа қатысушылармен сахнада тұрғанда қатты қобалжығандарын анасы жасырмайды.
"Олар Муслима Магомаевтың "Синяя вечность" әнін шырқады. Үш орындаушыдан Валерий Меладзе Ержанды таңдады. Байқаудың финалы 26 сәуірде Мәскеуде өтеді. Қазір біз Ақтау қаласында финалға қызу дайындық үстіндеміз. Бізді вокалист Нұргүл Медербекова дайындап жатыр. Жеңімпаз дауыс беру арқылы анықталатындықтан, қазақстандықтардың қолдауымен жеңіске жетеміз деп үміттенеміз. Дауыс беру мәліметтері кейінірек белгілі болады, - деп айтты Ержанның анасы Гүлмира Әлібек.