Қазақстандық жас әншіге таң қалды
Димаш Құдайберген Ресейдегі «Балалар даусы» байқауына қатысып жатқан Ержан Максимге сәттілік тіледі, деп хабарлайды "Жаңақорған тынысы" ҚазАқпарат тілшісіне сілтеме жасап.
Ержан Максим Батыс Қазақстанның тумасы. Ол өткен жылы Ақтөбе қаласында өткен "Бақытты бала" жобасына қатысып, бас жүлдеге ие болды. Сол кезде Димаш Құдайберген 10 жастағы өнерпаздың дауысын жоғары бағалап, өнердегі жұлдыздар жанды дауыста ән шырқаған балалардан үлгі алуы керек деп айтқан болатын. Ержан Максимнің жеңісі көп. Ол Қазақстандағы түрлі жарыстарда бас жүлде алып, Италия, Беларусь елінен жеңіспен оралды. Ал қазір ол Ресейде өтіп жатқан "Голос дети" байқауына қатысып жатыр.
