250 ана өз сәбиінен бастартқан

   Режиссердің айтуынша, Мәскеуде 250-ден астам қырғыз әйел балаларынан бас тартқаны туралы оқыған соң сол жайлы фильм түсірсем деген ой келген. Орталық Азияның мәдениеті мен тұрмысын жетік білетін Дворцевойды әлгі жаңалық шошытыпты. Ол жаңа туған сәбиін перзентханаға тастап, Ресейдің аязы қатты астанасында күнкөруге тырысқан әйелдің тағдырын сипаттайтын фильм түсіруді шешкен. Камера суық қалада ары-бері безілдеген бас кейіпкерді көзден таса қылмайды, солайша көрермен оның тағдырына алаңдап отырады. "Айка" фильміне алты жыл уақыт кетті деседі, себебі фильмді тек қыс кезінде, қар қалың жауғанда түсіріпті. Түсіруші топтың еңбегі зая кетпеді: Самал Еслямова Канн кинофестивалінде жүлде алды, Котбустегі (Германия) фестивальде гран-при иеленді, жалпы алғанда картина постсоветтік кеңістіктегі кинематограф үшін де, қоғамдық-саяси өмірде де маңызды құбылыс саналады.

Отандастар фейсбук парақшасынан