ЖӘРДЕМАҚЫ ҰЛҒАЯТЫНЫНА ҚУАНЫШТЫМЫЗ

    Сәуле  Үсенбаева, 6 ұл-қыз тәрбиелеп отырған, жалғызбасты ана: 
        Тұрмысы тұралаған отбасына тіреу болу – бұл сауапты іс деп білемін. Бізге үнемі әкімдік пен «Нұр Отан» партиясы аудандық филиалы және мешіт тарапынан қайырымдылық акцияларына шақырып, қолдау көмегін көрсетіп тұрады. Жаны жомарт жандарға айтар алғысым зор. Енді міне, Елбасы мүгедек бала асырап отырған ата-аналардың жәрдемақысын 30 пайызға көбейту жөнінде Үкіметке тапсырма беріпті. Бұл біздер үшін қуанышты жаңалық. Тағдырдың жазғаны ғой, тұңғышым тумысынан дертке шалдығып, ертелі-кеш баламның тілеуін тілеп, қасынан табыламын. Мүмкіндігі шектеулі болғасын, үнемі үйде боламын. Үкіметтен алатын жәрдемақы көбейсе, әлеуметтің әлеуеті артары сөзсіз.