Оқушылар ақын шығармашылығымен танысты

242 негізгі орта мектебінің "Жұлдыз" оқушылар қауымдастығына жерлесіміз, ақын, жазушы, драматург Əбділда Тəжібаевтың "Толағай" жыры тақырыбында мәдени шара өткізілді.

Оқушылар бойына патриоттық сезімді қалыптастыру, елге, туған жерге деген сүйіспеншілікке тəрбиелеу мақсатында өткен шарада жас қаламгерлер ақын өмірімен танысып, əдеби ертегі жайлы мол мағлұмат алды.

Жырға талдау жасап, кейіпкерлерге мінездеме беріп, ақын шығармашылығының ерекшелігіне назар аударды. Ой қозғау сұрақтарына жауап беріп, жырдан үзінділер жатқа айтты.

Тарбағатай табиғатын бейнелеген суреттерге назар салып, Толағай тауының орналасқан жеріне бейнебаян арқылы саяхат жасады. Қауымдастық жетекшілері Шолпан Құлмұратова мен Нұрбол Токназаров оқушылардың дайындығы мен талпынысын жоғары бағалады.