ИНСТАГРАМ: ЖАҢА ФУНКЦИЯ ҚАУІПСІЗДІКТІ КҮШЕЙТЕДІ

Компания алаяқтықты алдын алу мақсатында, сондай-ақ, Инстаграмның жұмысын жақсарту үшін тестілеу жүргізіп жатыр. Адамдар инстаграм желісінде сторис салғанда, оны қайсыбір адам скриншот жасауы мүмкін. Сол себепті, бұл функция қолданушыны скриншотты кім жасағаны туралы хабардар етеді.

Басылымның хабарлауынша, Инстаграм бұл жаңа функцияны қосу қажеттігін анықтау үшін тестілеу өткізіп жатыр. Егер қолданушыларға скриншот жасалынғаны туралы хабар келіп тұратын болса, кейбір пайдаланушылар стористі қарауын бәсеңдетуі мүмкін.
Журналистер бұл функция қосылғанымен де, скриншотты байқатпай жасауға болатынын айтады. Оны ұшақ режимінде немесе арнайы программалар арқылы жасауға болады. Сондай-ақ, 2017 жылдың қазан айында стористі күнделікті қолданушылар саны 300 млн адамға жетті деп хабарлайды 7kun.kzсайты тілшілері.