ҚАМШЫБЕК ҚОҢҚАБАЕВ - БОКСТАН ҰЛТТЫҚ ҚҰРАМАНЫҢ КАПИТАНЫ БОЛДЫ

Бокстан Қазақстан ұлттық құрамасының капитаны болып жерлесіміз, қызылордалық Қамшыбек Қоңқабаев сайланды. Бұл AIBA академиясының базасында өтіп жатқан биылғы жылдың алғашқы оқу-жаттығу жиынында белгілі болды. 
Бұған дейін ұлттық құрама капитаны міндетін атқарған Әділбек Ниязымбетов спорттағы мансабын аяқтады.
"Команда капитаны деген ат үлкен жауапкершілікті жүктейді. Спортшыларға үлгі болып, жол көрсету міндетім деп есептеймін. Жаңа жылдан бастап командаға жас боксшылар қосылды. Құрама біршама жаңарып қалды. Бас бапкеріміз де ауысты. Сол себепті, бәріміз бір жұдырықтай жұмылып, ел намысын абыроймен қорғау үшін бар күшімізді саламыз", - деді Қамшыбек. 
Қ.Қоңқабав - бокстан ҚР еңбек сіңірген спорт шебері, 2017 жылғы Азия және Әлем чемпионаттарының күміс жүлдегері. 2018 жылғы Қазақстан чемпионы. 
Қызылорда облысының жоғары спорт шеберлігі мектебінде тәлім алады. Жаттықтырушысы: ҚРЕСЖ Ғалымжан Байғұндиев.