Қазақстанда бала туғанда және оның күтіміне берілетін жәрдемақы қаншаға өсті?

Елімізде бала туғанда берілетін біржолғы және оның 1 жасқа дейінгі күтіміне берілетін жәрдемақы өсті деп хабарлайды zhanaqorgan-tynysy.kz интернет газеті Астана арнасына сілтеме жасап.

Мәселен алғашқы үш балаға берілетін біржолғы жөргекпұл 2017 жылмен салыстырғанда 5168 теңгеге өссе, төртінші баладан бастап тоғыз мың теңгеге артық төленбек.
Сонымен қатар айына табысталып отыратын жәрдемақы да 13070 теңгеден 13857 теңгеге өскен. Тиісінше бала саны көбейген сайын айлық жәрдемақы саны да артпақ.
Мүгедек балаларды тәрбиелеп отырған ата-аналар мен қамқоршылар саны 2018 жылдың қорытындысы бойынша 80 мыңнан асып отыр. Оларға берілетін жәрдемақы көлемі де төрт мың теңгеге өскен.
Ә. Өмірзақ.