Балаларға Жаңа жылдық тарту

Жаңақорған аудандық сотының ұйымдастыруымен Аудандық мәдениет үйінде сот қызметкерлерінің балаларына арналған Жаңа жылдық ертеңгілік өтті.

Мерекелік шарада бүлдіршіндер ән айтып, би билеп өз өнерлерін ортаға салды.Әсіресе, мерекенің басты кейіпкерлері – Аяз ата және Ақшақармен кездесіп, сыйлық алуы балаларды қуанышқа бөледі.

Сонымен қатар, ертегі кейіпкерлерінің қатысуымен көрсетілген қойылымдарды қызыға тамашалаған бүлдіршіндер таңғажайып ертегілер әлеміне енгендей сезімде болды.
Балалар уақытын өте қызықты өткізіп, жаңа достар тауып, мереке қарсаңында ерекше қуанышқа бөленді.
Қайнар: Жаңақорған аудандық сотының баспасөз қызметі