ОБЛЫС ӘКІМІНІҢ ГРАНТЫ БӨЛІНДІ

2018 жылға Қазақстан Республикасының білім беру мекемелерінде аймақтың әлеуметтік–экономикалық дамуын айқындайтын өңірге қажетті мамандықтар бойынша әлеуметтік тұрғыдан халықтың осал топтарынан шыққан студенттерге өңірге қажетті мамандықтар бойынша білім беру қызметіне ақы төлеу үшін Қызылорда облысы әкімінің гранты бөлінді. Бөлінген гранттар саны - 205.
Оның ішінде техникалық ғылымдар және технологиялар - 80, білім - 78, қызмет көрсету - 1, өнер - 11, әскери іс және қауіпсіздік - 15, денсаулық сақтау және әлеуметтік қамтамасыз ету (медицина) мамандықтары – 20.
Үміткерлерден құжаттарды қабылдау үстіміздегі жылдың 1 тамызынан бастап тұрғылықты жері бойынша аудандық (қалалық) жұмыспен қамту, әлеуметтік бағдарламалар және азаматтық хал актілерін тіркеу бөлімдері арқылы жүргізіледі және осы бөлімдер арқылы облыс әкімінің гранты бойынша қажетті ақпаратты алуға болады.