Үкіметтік емес ұйымдар және азаматтық бастамалар: даму перспективалары

 
«Әділет» партиясының ұйымдастыруымен «Руханият» орталығында үкіметтік емес ұйымдар өкілдерімен "Үкіметтік емес ұйымдар және азаматтық бастамалар: даму перспективалары" атты мазмұнды кездесу өтті. Басқосуда азаматтық қоғамның белсенділігін арттыру, әлеуметтік мәселелерді бірлесіп шешу, халыққа көрсетілетін қолдаудың тиімділігін күшейту және қоғамдық бастамаларды дамыту бағыттары сөз болды.
Кездесуде Қызылорда облыстық «Атамекен» кәсіпкерлік палатасы Жаңақорған аудандық филиалының директоры Асылжан Жолдасбеков, Жастар ресурстық орталығының директоры Наурызбай Орынбасаров, сондай-ақ Қызылорда облыстық оңалту орталығы директоры Темірбек Үсенов сөз сөйлеп, өз салалары бойынша атқарылып жатқан жұмыстар мен алдағы міндеттерге тоқталды.
Қатысушылар өзара пікір алмасып, қоғамдағы өзекті мәселелерді шешуде мемлекеттік құрылымдар, партиялар және үкіметтік емес ұйымдар арасындағы байланысты одан әрі нығайтудың маңызын атап өтті. Ашық пікір, ортақ мақсат және нақты әрекет – қоғам дамуының берік негізі.

#Әділет #ӘділетПартиясы #ӘділеттіҚазақстан #ҮкіметтікЕмесҰйымдар #АзаматтықҚоғам #Жаңақорған