«ШАЛҚИЯ ЦИНК ЛТД» АҚ ҚЫЗМЕТКЕРЛЕРІМЕН ЖАҢА КОНСТИТУЦИЯНЫҢ МАҢЫЗЫ ТАЛҚЫЛАНДЫ

Бүгін «Шалқия Цинк ЛТД» АҚ қызметкерлерімен «Жаңа Конституция – Әділетті Қазақстанның құқықтық негізі» тақырыбында ақпараттық-танымдық кездесу өтті.

Жиынға аудандық қоғамдық даму бөлімінің басшысы Ә.Төлегенов қатысып, Жаңа Конституцияның негізгі жаңашылдықтары, конституциялық реформалардың мәні және Әділетті Қазақстанды қалыптастырудағы Ата заңның айрықша рөлі туралы кеңінен ақпарат берді.

Кездесу барысында қатысушылар Конституцияда көзделген өзгерістер төңірегінде пікір алмасып, өздерін толғандырған сауалдарға жауап алды.

Іс-шара соңында бірқатар кәсіпорын басшылығы мен қызметкерлеріне Қазақстан Республикасының Жаңа Конституциясының кітаптары салтанатты түрде табысталды.