Шомылу маусымы: Қауіп пен қатер

Әбдіғани МАХМУТЖАНОВ, аудан әкімі аппаратының жұмылдыру дайындығы, аумақтыққорғаныс және төтенше жағдайлардың алдын алу бөлімінің басшысы:
– Жыл сайын ерте көктемнен бастап төтеннен келетін тасқынға дайындықты бастаймыз. Қарғын су, өрт, өзге де апаттың алдын алуға жұмылуды жылдам қолға алу әрекетіне көшеміз. Әсіресе, суға шомылу уақыты өте жауапты кезең. Тек суға шомылу емес, демалыс пен
балық аулауға келетіндердің қарасы көбейеді. Сондықтан барынша сақтық шараларын жасаймыз. Тақтайшалар ілінеді, күнделікті түсіндірмелер мен әлеуметтік желіге хабарландыру салынады.
Сондай-ақ, әкімдік тарапынан көлдердің иелерімен жиі байланысып, ахуал бақылауда болады. Мамыр айының соңында аудан әкімінің өзі аппараттық мәжіліс өткізіп, кент, ауылдық округтерге тасымал берілді. 1 маусымнан 31 тамызға дейін күнделікті бақылауға бағытталады. Ең бастысы, адам шығынын болдырмауды басты міндетке аламыз.