ЖАҢАДАН ТАҒАЙЫНДАЛҒАН ЖАС МЕМЛЕКЕТТІК ҚЫЗМЕТШІЛЕР САЛТАНАТТЫ ТҮРДЕ АНТ ҚАБЫЛДАДЫ

Қазақстан Республикасының Мемлекеттік рәміздері күніне орай ауданымызда мемлекеттік әкімшілік қызметке жаңадан тағайындалған жас мемлекеттік қызметшілердің салтанатты ант қабылдау рәсімі өтті.

Салтанатты шара барысында Жаңақорған кенті әкімі аппаратының бас маманы Әбдікәрім Ерболат Құлманұлы мен Екпінді ауылдық округі әкімі аппаратының бас маманы Әбсаттар Ерасыл Әкімжанұлы Қазақстан Республикасының мемлекеттік қызметшісі антын қабылдап, ел мен халық алдындағы жауапты міндеттерін адал атқаруға серт берді.