«Бақытты отбасы» жобасы аясында «Ата анаға құрмет» тақырыбында дөңгелек үстел

«AMANAT» партиясы Жаңақорған аудандық филиалына қарасы «ЖАЛЫН» бастауыш партия ұйымында «Бақытты отбасы» жобасы аясында «Ата-анаға құрмет» тақырыбында дөңгелек үстел ұйымдастырылды. «ЖАЛЫН» бастауыш партия ұйымының төрағасы Мампаев Алмат Құрбанайұлы ашып жүргізді. Іс-шараның мақсаты – отбасы құндылықтарын насихаттау, ата-анаға деген сыйластық пен жауапкершілікті арттыру, ұрпақтар сабақтастығын нығайту.
Дөңгелек үстел барысында қатысушылар отбасының қоғамдағы рөлі, ұлттық тәрбиенің маңызы және ата-анаға құрмет көрсету дәстүрлері туралы пікір алмасты. Сондай-ақ, жастар мен ата-аналар арасындағы өзара түсіністікті күшейту жолдары талқыланды.
Шара соңында қатысушылар отбасын қолдауға бағытталған ұсыныстарын білдіріп, мұндай тәрбиелік мәні зор кездесулердің маңыздылығын атап өтті.