Жастардың белсенділігі маңызды
Бүгін Руханият орталығында дүниежүзілік сайлау күні қарсаңында "Жас сайлаушылар" клубының ұйымдастыруымен өте өзекті тақырыпта пікірсайыс ойыны өтті. Жастар "Жастардың сайлауға қатысуы: міндет пе, әлде құқық па?" деген сауалдың төңірегінде екі түрлі көзқарасты ортаға салды.
Пікірталастың негізгі тезистері:
"Бұл – құқық" деушілер әр азаматтың таңдау еркіндігін, демократиялық құндылықтарды алға тартты.
"Бұл – міндет" деушілер мемлекет алдындағы жауапкершілікті, ел болашағына бей-жай қарамауды азаматтық борыш деп түсіндірді.
Пікірсайыс өте қызу әрі мазмұнды өтті. Қатысушылар спикерлік шеберліктерін көрсетіп, өз позицияларын нақты дәлелдермен қорғап шықты.
Жанель Жүсіп
