Импортталатын дәрі-дәрмек шикізаты қосылған құн салығынан босатылады
Жаңа салық жеңілдігі отандық дәрілік өнімдердің құнын төмендету және саланы қолдауға бағытталған. Бұл туралы Үкімет отырысында Денсаулық сақтау министрі Ақмарал Әлназарова айтты.
Сондай-ақ ведомство елімізде шығарылатын тауарларды ауруханаларға сатып алу үлесін ұлғайтуға ниетті. Қазақстанда 200-ден астам тауар өндіруші тіркелген. Өткен 10 айдың қорытындысы бойынша олардың өнімділігі 11,7%-ға өсіп, 156 млрд теңгеден асқан. Дәрі-дәрмектің 460 атауын локализациялауды көздейтін тағы 9 инвестициялық жоба қаралып жатыр.
