ҚАРТТАРҒА ҚҰРМЕТ - ҰРПАҚҚА МІНДЕТ
Халықаралық қарттар күні мерекесіне орай аудан әкімі Мажит Самитов қазыналы қарттарды айтулы мерекелерімен құттықтады.
Мажит Самитұлы ауданымыздың абыз қариялары, өлкетанушы Шайдарбек Ашимовтың, құқық қорғау саласының ардагері Әлібек Сүгірбаевтың, ауылшаруашылығы саласының ардагері Оспан Қалдарбековтың, мәдениет саласының ардагері Зада Исаеваның шаңырақтарында болып, сый - құрмет көрсетті.
Қарттармен тілдесіп, тұшымды әңгімелерін тыңдаған аудан басшысы қарияларды мерейлі мерекелерімен құттықтап, ұзақ ғұмыр, зор денсаулық, қажымас қайрат тіледі.
Көпті көрген кемеңгер қарияларымыз аудан басшылығына өз ризашылығын білдіріп, ақ батасын берді.
