Вирусты гепатиттің түрлері, және оның алдын алу жолдары

Вирустық гепатит — бұл гепатиттің 5 вирусының бірімен шақырылатын  бауырдың қабынуы: A, B, C, D және E. 
Бұл вирустар әртүрлі жолдармен беріледі: А және Е гепатиті — ластанған тамақ өнімдері мен су арқылы; В гепатиті — қауіпсіз емес қан және ағзаның басқа да сұйықтықтары арқылы; С гепатиті — негізінен жұқтырылған қан және D гепатиті арқылы — В гепатиті болған жағдайда қосымша инфекция ретінде.
Бұл вирустардың барлығы жіті гепатит тудырады, оған шаршау, тәбеттің жоғалуы, жоғары температура мен сарғаю тән. 
Адамдардың көпшілігі толығымен сауығады, бірақ аздаған адамдардың арасында жіті гепатит өлімге әкелуі мүмкін. 
Сонымен қатар, В және С гепатитінің жұқпалары созылмалы болып, бауыр циррозы мен обырының дамуына әкелуі мүмкін. 
Бағалау бойынша, вирусты гепатиттің әртүрлі түрлерінен жыл сайын шамамен 1,4 миллион адам өледі.
Инфекцияның таралуы
Гепатит жұқпалары бүкіл әлемде таралған. Көптеген елдерде инфекцияның таралуы туралы деректер жоқ; дегенмен, бағалау бойынша жарты миллиард адам В немесе С гепатиті вирусымен созылмалы жұқтырылған. 
Бағалаулар бойынша мұндай созылмалы инфекциялар бауыр циррозы жағдайларының 57% - ға және бауырдың алғашқы обырының 78% - ға әкеп соқтырады.
Гепатит А  ауруында негізгі алдын-алу: бұл қарапайым гигиена ережелерін сақтау, бәрі біледі, бірақ бәрі бірдей орындай бермейді:
•Дәретханадан кейін, тамақ алдында, жұмыстан кейін, көшеден кейін қолды сабынды сумен мұқият жуыңыз.
•Көкөністер мен жемістерді, тіпті бақшаңыздан болса да мұқият жуыңыз.
•Табиғатта немесе саяжайда болғанда, қайнатылмаған суды ішпеңіз.
•Балаларды ерте жастан бастап жеке гигиена ережелерін сақтауға үйретіңіз.
•Е вирусты гепатиті жалпы сипатта А гепатитімен ұқсас.
Энтеральды А және Е вирусты гепатиттерінің алдын алу үшін әсіресе ішек инфекцияларының алдын алу және басқа да ішек инфекцияларының алдын алу үшін қолданылатын жалпыгигиеналық және санитарлық сипаттағы іс-шаралар маңызды: сумен жабдықтау көздерін ластанудан қорғау, ауыз суды тұрақты хлорлау, қоғамдық тамақтану мекемелерінде санитарлық бақылау, халықты және т. б. санитарлық ағарту.
В және С гепатиттерінің вирустары жұқтырылған қанның аз мөлшері арқылы беріледі. Жұғатын доза өте аз - бірнеше вирусты бөлшектер, ал олардың қан ағынының ішіне түсуі үшін жаралар, сызаттар, шаншулар немесе кесулер жеткілікті. 
В гепатитінің вирусы тек қанда ғана емес, спермада, қынап секретінде, сілекейде, емшек сүтінде және науқастың немесе вирусты тасымалдаушының басқа да биологиялық сұйықтықтарында болады.
Ауру пирсинг, татуаж, маникюр, педикюр, нашар өңделген құралдармен құлақтың тесілуі кезінде орын алуы мүмкін.
Вирус бар заттар мен құралдар қан қалдықтарынсыз таза болуы мүмкін. Бірақ өңделмеген дезинфекциялаушы заттардың бетінде вирустар бірнеше сағаттан бірнеше аптаға дейін сақталуы мүмкін.

Бөлім басшысы Ж.Шайхысламов.