АРДАГЕРЛЕРГЕ ҚҰРМЕТ - ЕЛГЕ ҚҰРМЕТ
«AMANAT» партиясының «Ардагерлерді ардақтайық» партиялық жобасы аясында Жаңақорған аудандық партия филиалының төрағасы Арман Мажитов аудан әкімінің орынбасары Бектас Нуридиновпен бірге тыл ардагерлерімен кездесті.
Кездесудің басты мақсаты – Ұлы Отан соғысы жылдарында тылда аянбай еңбек еткен ардагерлерге алғыс білдіру, олардың ерлігі мен еңбегін жас ұрпаққа үлгі ету.
Іс-шара барысында партия өкілдері ардагерлердің хал-жағдайын сұрап, оларға құрмет көрсетіліп, Жеңістің 80 жылдығы қарсаңында мерекелік медаль тағылып, естелік сыйлықтар табыстады. Сондай-ақ, кездесуде ардагерлердің өтініш-тілектері тыңдалып, әлеуметтік мәселелері назарға алынды.
