Рахат Әлиевтің анасы қайтыс болды

Дариға Назарбаеваның бірінші күйеуі Рахат Әлиевтің анасы дүниеден озды. Бұл туралы Назарбаеваның ұлы Нұралы Әлиев желідегі парақшасында хабарлады, — деп жазады saDaq.kz.

«Бүгін менің сүйікті әжем Аника (Минавар Қадишқызы) бізді тастап, көкке кетті.  Ол мен үшін ерекше жан болды. Мен оның жанында ең кермет балалық шағымды өткіздім. Ол менің тәрбиемде үлкен рөл атқарды және өмірімді ұмытылмас махаббатқа толтырды. Өткен аптада мен онымен үйде екі күн бірге болу бақытына ие болдым. Бүгін таңертең оның түнде ұйқыдан оянбай қалғанын естідім», — деп жазды марқұмның немересі.

Айта кетейік, Дариға Назарбаева Рахат Әлиевтен үш бала дүниеге әкелді. 2007 жылы Назарбаевтың қызы Рахат Әлиевтен ажырасып кетті.