Терезеден құлау - балалардың жарақаттануы, тіпті өлуінің негізгі себептерінің біріне айналуы мүмкін. Балалар табиғатынан әр нәрсеге қызығушылықпен қарайды да, ашық терезе алдында қауіп - қатерге тап болатынын бағамдай бермейді.
Терезеге арнайы бекіткіш орнатып, ашық қалуға жол бермеңіз. Сіз жаныңызда деп ойлағаныңызбен, өз назарыңызды басқа нәрсеге аударған бір мезетте, баладан айырылып қалуыңыз мүмкін. Осындай қайғылы жағдайлардың алдын алу мақсатында Жаңақорнан ауданы Шалқия кентінің көп қабатты тұрғын үйлеріне Жаңақорған ауданы Төтенше жағдайлар бөлімі мен Жастар ресурстық орталығының мамандары бірлесіп тұрғындарға түсіндірме жұмыстарын жүргізді.
Балаларды назардан тыс қалдырмауларыңызды сұраймыз.

Жаңақорған ауданының Төтенше жағдайлар бөлімі